ايه رايكم فى الصور دى ؟
طبعاً ماينفعش الوضع ده
ازاى واحدة تقف امام الخالق جل وعلا وهى باللبس ده وبالمنظر ده
ممكن اقولكم كلام مكرر بس واقعى جداً
لو واحدة من دول عندها ميعاد مهم مع شخصية ذات منصب مش هايكون ده لبسها ولا احترامها للشخصية المهمة دى
انا كنت فى كارفور يوم الخميس وقت صلاة العشاء وبعد الصلاة طلعت استنى الناس اللى كانت معايا امام المصلى
شوفت مناظر ولبس مش ممكن يكون ده لبس او هيئة واحدة تقبل تقف بها امام الله عز وجل
شئ مش مقبول بالمرة
والغريبة ان مع كل واحدة من اللى داخلين يصلوا بالمنظر ده واحدة كبيرة ولابسة لبس محترم
الواحدة اللى لابسة محترم دى مفكرتش تنصح اللى معاها ان كدة لايصح
ولا هى مش عارفة هى كمان !!!!!!!!!!
اوضاع الناس فى مصر وكل مكان اصبحت غريبة وعجيبة
بقينا نسمع ونشوف حاجات بتتكرر قدامنا كل شوية واصبحت عادية جدا حتى معايا انا شخصياً
مع اننا فى ايام الدراسة علمونا ان الحاجات دى غلط وماينفعش تتعمل ولو شوفنا حد عملها قدامنا تبقى كارثة محققة حصلت قدامنا
اللهم ربنا يا خالق يا بارئ يا مصور
يا مقلب القلوب الابصار ثبت قلوبنا على الايمان
اللهم ربنا ارنا الحق حقا وارزقنا اتباعه
وارنا الباطل باطلا وارزقنا اجتنابه
هناك 8 تعليقات:
تسمح أمرر لك كراسة الواجب
تفضل بالدخول على مدونتي لتعرف التفاصيل والشروط
السلام عليكم
الأمر دا انتشر جدا
و الحجاب الكاجوال
حاجة صعبة وتضايق جدااااا
بجد ربنا يهدينا جميعا يارب
------------
بس الصور اللي فوق دي
ممكن ميكونوش مسلمين
خلي بالك
فيه كتير بيحاول يروج و ينشر الصور
و الفيديوهات اللي بتسيء للإسلام
--------------
تقديري و إحترامي لك
مش قادرة اقولك دول ممكن يكونوا اطفال لان الصورة اللي فوق مش لطفلة بس حتي لو اطفال لازم يتعلموا ان الصلاة لازم تكون بحجاب
وحتي لو اجانب عندنا في مساجد مصر السياحية ذي مسجد محمد علي بالقلعة تلاقي الأجانب داخلين المسجد بإيشارب إحتراماً للجامع وتقاليد المسلمين
ربنا يهدي
جزاك الله خيرا علي غيرتك علي اخواتك المسلمات:)
انا موافقة علي ما قاله مجلة علي صوتك من انها ممكن تكون صورة بغرض الاساءة للمسلمات
و علي الجانب الاخر ( وانا مش بدافع عن اللبس الغريب اللي منتشر بين الفتيات والسيدات في الايام دي ) بس احب اوضحلك ان مصلي السيدات في المولات و التجمعات دي بيكون فيها جوة اسدالات للصلاة ... بيتهيالي كل اللي داخلة تصلي و سابت اللهو في المكان برة و اتجهت للمصلي علشان تأدي فرض ربنا بتكون عارفة ان لبسها في الصلاة لازم يكون بشكل معين ..دا اللي بشوفه و يمكن انت بحكم انك رجل متعرفش بيدور ايه داخل مصلي السيدات ..
هي حاجة محيرة صحيح انها تبقي لابسه بالشكل دا و تدخل تستر لبسها عن طريق ارتداء الاسدال و بعدين لما تخلص صلاة ترجع تاني لحالها.. الله الهادي
اعتذر للاطالة و اشكرك مرة اخري لغيرتك علي دينك :)
ربنا يهديهم
عندك حق والله
بس بصراحة انا مش شفت المناظر دى قبل كده
يعنى انى اكون بصلي في مكان والاقي واحدة لا بسة كده
ممكن تكون محجبة وكل حاجة بس اللبس بردوا مش صح
ربنا يهدينا ويرشدنا للخير والحق
اللهم آمين
دمت فى حفظ الله اخي
تقبل مرورى
انا مش مصدق ان الاستهتار والاساءة توصل للدرجة دى .. فعلاً الصور دى ورائها فاعل حقود
بجــــــد ديه مهزله تحت غطاء ديني ومسمى عصري ... حسبي الله ونعم الوكيل في كل من شوه صورة الاسلام
تحياتي وتقبل دعوتي لزيارة مدونة اخوك المتواضعه
إرسال تعليق