خواطر رئيس شاب

صفات حسن الخلق

2009-03-28T09:03:00.000-07:00

يبين الرسول صلى الله عليه وآله وسلم هذه القاعدة الجميلة ، حينما قال لأبي ذر رضي الله عنه قال " اتق الله حيثما كنت ، واتبع السيئة الحسنة تحمها ، وخالق الناس بخلق حسن "
وعن أبي الدرداء رضي الله عنه قال : قال الرسول صلى الله عليه وآله وسلم " اثقل ما يوضع في الميزان يوم القيامة تقوى الله وحسن الخلق "
وذكر صلى الله عليه وسلم في حديث آخر ، إن أول ما يوضع في الميزان ، حسن الخلق والسخاء
كذلك في حديث للرسول الكريم صلى الله عليه وآله وسلم " إنكم لن تسعدوا الناس بأموالكم ، فأسعدوهم ببسط الوجه وحسن الخلق "
ولخص أحد الحكماء صفات حسن الخلق فيما يلي " هو إن يكون كثير الحياء ، قليل الأذى ، كثير الإصلاح ، صدوق اللسان ، قليل الكلام ، كثير العمل ، قليل الزلل ، براً وصولاً ، وقوراً صبوراً شكوراً رضياً ، عفيفاً شفيقاً ، لا لعاناً ولا سباباً ، ولا نماماً ، ولا مغتاباً ، ولا عجولاً ولا حقوداً ، ولا بخيلاً ولا حسوداً ، بشوش ، يحب في الله ، ويبغض في الله ، يرضى في الله ، ويغضب في الله ، فهذا هو حسن الخلق ।
فلنحرص على حسن الخلق ، حتى نرتقي بتعاملنا مع الآخرين .

غزة

2009-01-04T08:32:00.000-08:00

أخرج أبو داود وأحمد بسند صحيح عن المُستورد بن شدَّاد أن النبي صلى الله عليه وسلم قال" من أكل برجلٍ مسلم أَكلةً فإن الله يطعمه مثلها في جهنم، ومن كُسي ثوبا برجل مسلم فإن الله يكسوه مثله من جهنم، ومن قام برجل مقام سمعة ورياء فإن الله يقوم به مقام سُمعةٍ ورياء يوم القيامة" رذائل ثلاث اجتمعت في حق كل من ولي بحق الدفاع عن أعراض المسلمين وظيفة ثم خانها، واستحل ما يأتيه من مال أو دنيا على هذه الخيانة،وكذا من يطيع بحكم عمله سادته ورؤساءه في حصار ومحاصرة والتضييق على المجاهدين وتخذيلهم طمعا في علاوة وحرصا على دنيا هي عن قريب زائلة (وفي الاخرة) بعد الخزي في الدنيا( عذاب شديد). فإذا كانت الأكلة والكساء تعني كل راتب وعلاوة ودرجة مالية؛ فإن التسميع والرياء يعني ماتقوم به آلة الإعلام الكاذبة الخادعة نحو المجاهدين وأحكامهم وحقوقهم وحرماتهم. أخرج أبو داود والطبراني بإسناد حسن عن جابر وأبي طلحة النصاري رضي الله عنهما قالا: قال رسول الله صلى الله عليه وسلم :" ما من امرئ يخذُلُ مسلما في موطن يُنتقصُ فيه من عِرضه ،ويُنتهكُ فيه من حُرمته إلا خَذله الله في موطن يُحبُّ فيه نُصرته، وما من امرئ ينصر مسلما في موطن يُنْتقصُ فيه من عرضه،وينتهك فيه من حرمته إلا نصره الله في موطن يُحبُّ فيه نُصرته" إن هذه الصورة من صور التخذيل وإن كانت أقبحها فهي كبيرة من الكبائر لا يقبل الله معها عذرا، ولايقيم لأهلها وزنا، لا يقبل منهم صرفا ولا عدلا، يقول الحافظ ابن حجر: من الكبائر ترك الجهاد عند تعينه بأن دخل الحربيون دار الإسلام أو اخذوا مسلما، وترك الناس الجهاد من أصله، وترك اهل الإقليم تحصين ثغورهم بحيث يُخافث عليها من استيلاء الكفار بسبب ترك ذلك التحصين. قال العلماء: والتخلف عن الجهاد هو أن يتقاعس المسلم ويتأخر عن استفراغ وُسعه في مدافعة العدو من الكفار والمشركين، الأمر الذي يفضح الله به حقيقة صاحبه ويجمع به عليه عذاب الدنيا والآخرة. أخرج أحمد والطبراني عن سهل بن حنيف رضي الله عنه أنه قال " من أُذِلَّ عِنده مؤمنٌ فلم ينصُرْْه وهو قادر على أن يَنصُرَهُ أذلَّه الله عز وجل على رؤوس الخلائق يوم القيامة" وفي الصحيح للبخاري عن أبي سعيد الخدري رضي الله عنه أنَّ رجالا من المنافقين على عهد رسول الله صلى الله عليه وسلم كان إذا خرج رسول الله صلى الله عليه وسلم إلى الغزو تخلَّفوا عنه، وفرِحوا بمقعدهم خِلاف رسول الله، فإذا قدِم رسول الله صلى الله عليه وسلم اعتذروا إليه، وحلفوا، وأحبوا أن يُحمدوا بما لم يفعلوا فنزلت (لا تَحْسَبَنَّ الَّذِينَ يَفْرَحُونَ بِمَا أَتَوْا وَيُحِبُّونَ أَنْ يُحْمَدُوا بِمَا لَمْ يَفْعَلُوا فَلا تَحْسَبَنَّهُمْ بِمَفَازَةٍ مِنَ الْعَذَابِ وَلَهُمْ عَذَابٌ أَلِيمٌ) (آل عمران: 188)، إنه نموذج من نماذج البشرية يقتات الجبن والادعاء دائما، يتوعده الله جل جلاله، الله مالك السموات والأرض، القادر على كل شيء بالهلاك والخزي بعد الدمار، فأين المفازة له. (منقول)

رب وا معتصماه انطلقت *** ملأ أفواه الصبايا اليتم

لامست أسماعهم لكنها *** لم تلامس نخوة المعتصم

اللهم يا مغيث اغث اخواننا فى غزة

اللهم وانصرهم على عدوك وعدوهم

اللهم رد باس اعداءهم وارفع راياتهم ووحد كلمتهم

اللهم لا ملجا لهم الا اليك ولا ناصر لهم الا انت

اللهم ارنا عجائب قدرتك وعظيم صنعك بعدوك وعدوهم يا ارحم الراحمين

الاستهانة بالمحرمات وان صغرت

2008-12-14T10:54:00.000-08:00

يقول الله جل فى علاه

{ ومن يعظم حرمات الله فهو خير له عند ربه}

{وما كان لمؤمن ولا مؤمنة إذا قضى الله

ورسوله أمرا أن تكون لهم الخيرة من أمرهم}

كما قال رسولنا الكريم صلى الله عليه وسلم

" إِيَّاكُمْ وَمُحَقَّرَاتِ الذُّنُوبِ فَإِنَّمَا مَثَلُ مُحَقَّرَاتِ الذُّنُوبِ

كَمَثَلِ قَوْمٍ نَزَلُوا بَطْنَ وَادٍ فَجَاءَ ذَا بِعُودٍ وَجَاءَ ذَا بِعُودٍ

حَتَّى جَمَعُوا مَا أَنْضَجُوا بِهِ خُبْزَهُمْ , وَإِنَّ مُحَقَّرَاتِ الذُّنُوبِ

مَتَى يُؤْخَذُ بِهَا صَاحِبُهَا تُهْلِكُهُ " أَخْرَجَهُ أَحْمَد بِسَنَدٍ حَسَنٍ

وَعِنْد النَّسَائِيِّ وَابْن مَاجَهْ عَنْ عَائِشَة

" أَنَّ النَّبِيّ صَلَّى اللَّه عَلَيْهِ وَسَلَّمَ قَالَ لَهَا :

يَا عَائِشَة إِيَّاكِ وَمُحَقَّرَاتِ الذُّنُوب فَإِنَّ لَهَا مِنْ اللَّه طَالِبًا "

وَصَحَّحَهُ اِبْن حِبَّان .

ومعنى فإن لها من الله طالبا يوضحه الرواية الأخرى

وهو :مَتَى يُؤْخَذُ بِهَا صَاحِبُهَا تُهْلِكُهُ ، فلا ينبغي للإنسان

أن يستهين بالذنوب الصغيرة فإنها لو جمع بعضها إلى بعض صارت

كبيرة وأوشكت أن تهلكه فالعود الفرد قد لا يضرم النيران

لكن إذا اجتمع عود إلى عود وهكذا أوشك ذلك أن يضرم نيرانا شديدة

وقال بلال رضي الله عنه:

لا تنظر إلى صغر المعصية ولكن انظر إلى من عصيت،

وقال الفضيل بن عياض رحمه الله تعالى:

بقدر ما يصغر الذنب عندك يعظم عند الله

وبقدر ما يعظم عندك يصغر عند الله .

قال الغزالي :

تواتر الصغائر عظيم التأثير في سواد القلب ،

وهو كتواتر قطرات الماء على الحجر ،

فإنه يحدث فيه حفرة لا محالة ،

مع لين الماء وصلابة الحجر .

ولقد أحسن من قال :

لا تحقرنَّ صغيرةً إنَّ الجبالَ من الحصى اللهم اقسم لنا من خشيتك ما تحول به بيننا وبين معصيتك

ومن طاعتك ما تبلغنا به جنتك

الدعاء بظهر الغيب

2008-11-16T08:13:00.000-08:00

عَن أَبي الدَّردَاءِ رَضِي اللَّه عنْهُ أَنَّهُ سمِعَ رَسُولَ اللَّهِ صَلّى اللهُ عَلَيْهِ وسَلَّم يَقُولُ : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم وعَنْهُ أَنَّ رسُول اللَّه صَلّى اللهُ عَلَيْهِ وسَلَّم كانَ يقُولُ : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم

مفيش اسهل من انك تدعى لاخيك المسلم

مش محتاجة مجهود ولا معاناة

بل بالعكس هايكون لك بمثل ما دعوت لاخيك المسلم

اللهم يا واحد يا احد يا فرد يا صمد

يا من لك الملك كله واليك يرجع الامر كله

يسر يا رب امور المسلمين فى كل مكان

واقضى حوائجهم

واطب مطعمهم

واطعم جائعهم

وارزقهم

انك نعم المولى ونعم النصير

حلقة الوصل

2008-11-12T08:22:00.001-08:00

اغلب الاحيان حلقة الوصل بين شخصين بيكون مظلوم او مطحون ويا سلام لو الشخصين كل واحد فيهم ليه مطالب عاوز يوصل لها بيطلع عينه بين محاولة ترضية طرف ومحايلة طرف اخر لينتهى من الورطة اللى وقع فيها وفى الاخر لو مهمته فشلت هو اللى بياخد فوق دماغه ربنا يستر

اتباع الهوى

2008-10-27T08:45:00.000-07:00

قال تعالى :

{ وَ لاَ يَجْرِمَنَّكُمْ شَنَئَانُ قَوْمٌ أَنْ صَدُّوكُمْ عَنِ المَسْجِدِ الْحَرَامِ أَنْ تَعْتَدُوا }

{ وَلاَ يَجْرِمَنَّكُمْ شَنَئَانُ قَوْمٍ عَلَى أَلاَّ تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللهَ إِنَّ اللهَ خَبِيرٌ بِمَا تَعْمَلُونَ }

{ أَتَأَمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتَلُونَ الْكِتَابَ }

{ يَا أَيُّهَا الَّذِينَ آَمَنُوا كُونُوا قَوَّامِينَ بِالْقِسْطِ شُهَدَاءَ للهِ وَلَوْ عَلَى أَنفُسِكُمْ أَوِالْوَالِدَيْنِ وَالأَقْرَبِينَ إِنْ يَكُنْ غَنِيًّا أَوْ فَقِيرًا فَاللهُ أَوْلَى بِهِمَا فَلا تَتَّبِعُوا الْهَوَى أَنْ تَعْدِلُوا }

اللهم ارنا الحق حقا وارزقنا اتباعه

وارنا الباطل باطلا وارزقنا اجتنابه

اللهم اقسم لنا من خشيتك ما تحول به بيننا وبين معصيتك

ومن طاعتك ما تبلغنا به جنتك

براءة الاطفال

2008-10-07T08:57:00.000-07:00

شكلها بنت مشاغبة

الاضطرار

2008-10-06T09:04:00.000-07:00

اكتر حاجة تضايق انك تكون مضطر للبقاء فى مكان مش عاوز تكون فيه

وعلشان تسيب المكان ده محتاج حاجة مهمة قوى

ايمان قوى بالله

مسبب الاسباب

اللهم يا مقلب القلوب والابصار ثبت قلبى على الايمان

العشر الاواخر من رمضان

2008-09-21T11:34:00.000-07:00

الضيف العزيز مصمم على الرحيل وتركنا

بالرغم من سوء الاستقبال والضيافة

ترى ماذا سيبلغ عنا ربنا

لاهون لاعبون

ام قائمون قانتون

يا نفس كفى عن العصيان واكتسبى

فضل الثواب عسى الله يرحمك

هادم اللذات ومفرق الجماعات

2008-09-17T11:48:00.000-07:00

افرض هاجمك الموت الان

هايكون مصيرك ومصير اهلك ايه

أإلى جنة أم نار

هل مراتى وبنتى هايتبهدلوا بعد موتى

عندى ثقة وحسن ظن بالله كبيرة اوى

اللهم توفنا وانت راض عنا

واجعل خير اعمالنا خواتيمها

وخير ايامنا يوم ان نلقاك

يا ارحم الراحمين

ويستعد الضيف العزيز للرحيل

2008-09-16T12:03:00.000-07:00

نصف رمضان انتهى

لم نتمكن من استقبال هذا الضيف العزيز الاستقبال الملائم

لم نحتفى به كما يليق به

ما لا يدرك كله لا يترك كله

هل تستطيع تعويض ما مضى فيما بقى

اللهم تقبل منا قليل عملنا بكثير عفوك
وحسناتك يا ارحم الراحمين

درس مهم

2008-09-15T12:00:00.000-07:00

ربنا يعلينا ويوطى نفوسنا

اول مرة افهم معناها بجد

مصر ام الدنيا

2008-09-13T11:59:00.000-07:00

يوم الجمعة 12/9/2008 الموافق 12 رمضان 1429 هجرياً

وفى تمام الساعة العاشرة والنصف صباحاً بتوقيت الاسكندرية المحلى

وفى الطريق الى صلاة الجمعة وامام باب المسجد مباشرة

اذا بثلاثة نفر فى عمر الشباب

يجلسون على مدخل احد المحلات

جلسة مريبة

وعند الاقتراب منهم

اذا بهم يفعلون ما لا يتصوره احد

بيحششوا

يوم الجمعة

قبل الصلاة بساعة تقريبا

فى رمضان

مصر ام الدنيا

مصر المحروسة

اللهم ارفع مقتك وغضبك عنا

قفص حديد

2008-09-09T12:43:00.000-07:00

بتبقى مش طايق نفسك لما بتكون عاوز تعمل حاجة ومش قادر تعملها تحت ضغط الظروف المحيطة بيك

بتحس انك مسجون فى زنزانة حديد مش قادر تخرج منها

ليس امامك الا الله

مفرج الهم والكرب ومجيب دعوة المضطرين

اللهم يا ودود يا ودود يا ودود

يا فعال لما يريد

يا من ملأ نوره اركان عرشه

اللهم يا مغيث اغثنا

اللهم ارزقنا ايمانا يملأ قلوبنا ولو كره الكافرون

بين يدى رمضان بالامس واليوم

2008-08-27T08:42:00.000-07:00

لم يتبق الا ايام قليلة والشهر الفضيل يبدأ

من كام سنة لما كان يبدأ هلال شهر رجب كنا نبدأ نحضر نفسنا لرمضان ونزود الصيام شوية ونقعد نرتب هانروح نصلى التراويح فين ومع مين والتهجد وهانروح ازاى

السنة دى الصيام فى رجب وشعبان كان قليل اوى لاسباب مختلفة وابتديت افكر ( فقط تفكير ) هاروح اصلى فين التراويح والتهجد قبل رمضان باسبوع

صحيح الواحد مشاغله زادت كتير عن الاول وبقى عليه التزامات اكتر من الاول

بس الخوف ان يكون الرد على رب العزة تبارك وتعالى عند الحساب

شغلتنا اموالنا واهلونا

هاتكون حجتنا ايه

الشغل واكل العيش والعيال

الواحد مع الوقت محتاج ان طاعته لربنا تزيد مش تقل مهما كانت المشاغل اللى عنده لانه بدون توفيق من ربنا لن تكون له قائمة

اللهم ربى وخالقى ورازقى

لا حول ولا قوة لى الا بك

استغفرك ربى فكيف لاتغفر لى وانت بالغفران موصوف

ادعوك ربى وانت السميع البصير

اللهم يا مدبر الامر وكلت اليك امرى فلا تتركنى لنفسى طرفة عين

اللهم اجعل خير اعمالى خواتيمها وخير ايامى يوم القاك يا رب العالمين

اللهم اعنا على ذكرك وشكرك وحسن عبادتك

والحمد لله رب العالمين

الادب مع الله

2008-08-02T07:45:00.000-07:00

ايه رايكم فى الصور دى ؟

طبعاً ماينفعش الوضع ده

ازاى واحدة تقف امام الخالق جل وعلا وهى باللبس ده وبالمنظر ده

ممكن اقولكم كلام مكرر بس واقعى جداً

لو واحدة من دول عندها ميعاد مهم مع شخصية ذات منصب مش هايكون ده لبسها ولا احترامها للشخصية المهمة دى

انا كنت فى كارفور يوم الخميس وقت صلاة العشاء وبعد الصلاة طلعت استنى الناس اللى كانت معايا امام المصلى

شوفت مناظر ولبس مش ممكن يكون ده لبس او هيئة واحدة تقبل تقف بها امام الله عز وجل

شئ مش مقبول بالمرة

والغريبة ان مع كل واحدة من اللى داخلين يصلوا بالمنظر ده واحدة كبيرة ولابسة لبس محترم

الواحدة اللى لابسة محترم دى مفكرتش تنصح اللى معاها ان كدة لايصح

ولا هى مش عارفة هى كمان !!!!!!!!!!

اوضاع الناس فى مصر وكل مكان اصبحت غريبة وعجيبة

بقينا نسمع ونشوف حاجات بتتكرر قدامنا كل شوية واصبحت عادية جدا حتى معايا انا شخصياً

مع اننا فى ايام الدراسة علمونا ان الحاجات دى غلط وماينفعش تتعمل ولو شوفنا حد عملها قدامنا تبقى كارثة محققة حصلت قدامنا

اللهم ربنا يا خالق يا بارئ يا مصور

يا مقلب القلوب الابصار ثبت قلوبنا على الايمان

اللهم ربنا ارنا الحق حقا وارزقنا اتباعه

وارنا الباطل باطلا وارزقنا اجتنابه

لخبطة

2008-07-07T11:31:00.000-07:00

انا بقالى فترة مش قصيرة حاسس انى فى دوامة ومش عارف اخرج منها

مش عارف الاحقها منين ولا منين

والاحساس ده عند اغلب الشعب المصرى مش عندى لوحدى

فى الناس دايما تقول احنا مربوطين فى ساقية !!!!!!!!!!!!

احساس منتشر بشكل كبير بين الناس حاسين ان عينهم مربوطة ومش شايفين حاجة وماشين وخلاص وصلوا فين ومشيوا قد ايه مش عارفين بس لازم يمشوا لانهم لو وقفوا هايخسروا كتير اكيد الاحساس ده مش كويس

احساس غبى

بس ده فعلا احساس ناس كتير جدا كل يوم بنقابلهم

واحلى حاجة واغرب حاجة تفسير بعض الناس للموضوع ده

يقولك اصل دى سياسة الحكومة بيلهوا الناس بأكل عيشها علشان يعملوا اللى هما عاوزينه من غير ما حد يقف لهم

قال يعنى حد كان ليه رأى أساسا

انا عندى احساس انى كنت الاول فى حال احسن كتير من حالى دلوقتى

كل ما السن بيزيد بتزيد معاه المشاكل والهموم - اللهم لا اعتراض -

ايه ممكن يكون العلاج للوضع ده ؟؟؟؟؟؟؟؟؟؟

من هو ؟

2008-06-25T08:12:00.000-07:00

هل فكرت يوما من هو احب انسان اليك ؟

فى ناس كتير هاتقول امى وناس هاتقول ابى وناس تقول شريكة حياتى وما الى ذلك

انا حبيبى شخص تانى خالص !!!!!!!!

عمرى ما رأيته ولكن اسمع واقرا وايقن انه اجمل البشر

عمرى ما كلمته ولكن اسمع واقرا وايقن انه اصدق البشر

عمرى حتى ما استمعت او رايت احد من اصحابه ولكن اعلم يقينا انهم كالنجوم

اتمنى من كل قلبى امنية صادقة انى اروح ازوره واقف قدامه اكلمه

اتمنى من كل قلبى ان انا اكون رفيقه

عارفين هو مين ؟

هو الصادق الامين - ولنا الفخر

هو من كفاه الله المستهزئين - ولنا الفخر

هو سيد ولد ادم - ولنا الفخر

هو على صراط مستقيم - ولنا الفخر

هو اول من تنشق عنه الارض فيكسى حلة من حلل الجنة - ولنا الفخر

هو اول الناس خروجا من القبر اذا بعثوا - ولنا الفخر
وهو خطيبهم إذا وفدوا‏ - ولنا الفخر

وهو مبشرهم إذا ‏ ‏أيسوا - ولنا الفخر

هو يقوم عن يمين العرش ليس أحد من الخلائق يقوم ذلك المقام غيره - ولنا الفخر‏

هو اول شافع واول مشفع يوم القيامة - ولنا الفخر

هو لواء الحمد بيده يوم القيامة - ولنا الفخر

هو أكرم ولد ‏ ‏آدم ‏ ‏على ربي - ولنا الفخر

هو حبيب الله - ولنا الفخر

هو النبى لا كذب هو ابن عبد المطلب - ولنا الفخر

اللهم انى احبك واحب رسولك صلى الله عليه وسلم حبا خالصا من قلبى فاسقنى من يده شربة هنيئة لا نظمأ بعدها ابدا

اللهم انى احبك واحب رسولك صلى الله عليه وسلم حبا خالصا من قلبى فاجمعنى به فى الفردوس الاعلى يا كريم

شعورك ايه ؟

2008-06-17T07:59:00.000-07:00

لنفترض اننا فى يوم من الايام عملنا عمل خير واكتشفنا بعد كدة اننا اخطأنا التقدير فى هذا الامر ما هو احساسك وقتها نضرب مثل للموضوع ده لو حضرتك فى طريقك حد قابلك واشتكى لك من فقدان ماله وانه على سفر ولم يكن يبدو عليه اى ملامح للكذب او الخداع فقمت بمساعدته ثم اكتشفت بعد وقت انه نصاب !!!!!!!! ما هو احساسك وقتها هل تشعر بالندم على انك ساعدت احد لايستحق ؟ هل تشعر انك مغفل حيث لم تدرك انه كاذب ؟ ما هى النية التى سوف تنوى اياها؟ هل تنوى عدم مساعدة احد مرة اخرى؟ هل تنوى عدم اخراج صدقة لاحد لانه لم يعد احد يعلم من الصادق من الكاذب ؟ انا لا اقصد هنا الصدقات على وجه الخصوص ولكن اقصد هنا عمل الخير عموما الذى اكتشفت انه لم يكن فى محله ماذا سيكون تصرفك ونيتك وقتها ؟

لا لتصدير الغاز لاسرائيل

2008-06-02T07:49:00.000-07:00

تعالوا معنا لحضور المحاكمة في مجلس الدولة يوم 24 يونيو

السادة الأصدقاء الكرام تحية طيبة و بعد
أتشرف بإحاطتكم بأنه قد تحدد يوم 24 يونيو 2008 للنظر في الشق المستعجل في الدعوى 33418س62 أمام محكمة
القضاء الإداري بمجلس الدولة للحكم بوقف ثم إلغاء قرار وزير البترول الذي تستند عليه عملية تصدير الغاز لإسرائيل
إلى جلسة 24 يونيو 2008 قاعة 11 رول 75 .
و الأمل أن يتسع المجال للتنويه بذلك بين أصدقائكم و في أوساطكم حتي تحظى الدعوى بحضور مكثف في ذلك اليوم
بمحكمة القضاء الإداري بشارع الجيزة أو أن يتم إرسال توكيلات موثقة بالشهر العقاري باسمي ،ص.ب.665 المعادي
، تليفون 0225212155. و ندعو الله أن تلقي دعوانا قبولا من قضائنا الشامخ.
الســـــفير
إبراهيم يســري

المحامي بالنقض

دى دعوة قريتها على مدونة خلى ضافيرك ضليلة

http://khly-dafyrk.blogspot.com/

وبما انى معارض لموضوع تصدير الغاز لاسرائيل يبقى اشارك ولو بنشر الرسالة دى

فى ايه يا دكاترة

2008-06-01T07:57:00.000-07:00

امبارح اخذت شعبى ( مراتى وبنتى ) وقولت اروح بيهم للدكتور علشان مراتى عندها شوية وجع وبما انى رجعى ومش تقدمى قولت شعبى ما ينكشفش على رجالة ابداً

قعدت افكر على دكتورة نروح لها لغاية ما افتكرت دكتورة عندها عيادتين ويفط وهايلمانات كدة وتحس انك قدام دكتورة متمكنة من مجالها وعيادتين منهم واحدة فى منطقة راقية وكدة

المهم اتصلت بالدليل طلبت نمر الدكتورة لقيتها موجودة

اخدتهم من الدليل روحت متصل بالعيادة الخاصة اسال الدكتورة موجودة لقيت الممرضة بتقولى موجودة احجزلك

قولت لها احجزى مش عيب ولا حرام بس قولى لى الاول الكشف بكام قالت لى 11 جنيه ( جر رجل )

اتصلت بشعبى قولت لهم اجهزوا هاعدى عليكم ونروح للدكتورة المبجلة ذات العيادتين

روحنا العيادة

دخلنا العيادة

دفعت ال 11 جنيه بحالهم

وقاعدين لغاية اللى عند الدكتورة يطلع لقينا سؤال غريب من الممرضة

هو انتم ساكنين فين ؟!!!!!

بس حضرتك ما اتصلتش من المنطقة ؟!!!!!!

واسئلة تنم عن الاستفسار عن الحالة المادية والمعنوية بس بطريقة غير مباشرة

ودخلنا للدكتورة ولاننا لم نكن متابعين معاها عملت لنا البحر طحينة

طلعت برة استنيت شوية ( حوالى خمس دقائق بالتمام والكمال )

وبعد ما استنيت ده كله لقيت الممرضة طالعة تقولى المودام خلصت العملية والحساب 116 جنيه مصرى من اللى بيجي بطلوع الروح وبيروح بمنتهى البساطة

قولت لها ليه ؟!!

وبعدين قبل ما تعملوا العملية مش تسالونى يمكن مفيش معايا فلوس تكفى !!!!

قالت لى طيب شوف الدكتورة هاتقول لك ايه !!!!!

دخلت لمراتى سالتها قالت لى الدكتورة سالتنى جوزك اللى هو انا بيشتغل ايه !!!!!

قولت سالوكى قبل ما يعملوا العملية قالت

الدكتورة سالتنى قالت لى جوزك هايتكلم على العملية ولا ايه !!!!!!

المهم دخلت الدكتورة المبجلة ذات العيادتين

قوم ايه كشرت وقالت الدكتورة اللى كنتم معاها دى منها لله اللى عملته ده جريمة وكان لازم تعمل وكان لازم تسوى وهاتك يا ذم وتقليل من قدرها

صبرت وقولت لغاية ما تكتب الدوا

كتبت الدوا وقالت الدوا الاولانى مضاد حيوى غالى شوية معلش

والتانى مستورد هاتوه من صيدلية خليل او العزبى هايطلع علشان برة هاتلاقوه غالى

وهاتك يا كتابة ولازم المودام تروح لها كل يومين تتابع معاها ( والله العظيم كل يومين )

قولت لمراتى بصوت مسموع امسكى البنت واطلعى برة علشان هاتعارك مع الدكتورة ( تكتيك )

ردت الدكتورة ليه بس خلى علينا خالص

قولت لها اعملى معانا واجب

ومن هنا لهنا والشويتين دول

قالت لى خلاص ادفع 90 جنيه بس

قولتلها والمتابعة ايه نظامها

قالت لى مش فارقة

قولت لها علشان ابقى عارف واعمل حسابى

قالت لى اصل احنا هانعمل ونسوى وعاوزة تشرح

قولت لها الفلوس كام

قالت خلاص 10 جنيه بس

انا راضى ذمتكم ينفع كدة

ينفع اسلوب التجار والمعلمين فى الطب كمان

وبما انى مش طبيب مش عارف كلامها صح ولا غلط

بس اعمل ايه مضطر اثق فيها وفى كلامها وذلك

بس الاسلوب ده مش اسلوب ممكن الواحد يثق فيه ابدا

اعتذار غير مقبول

2008-05-21T08:06:00.000-07:00

هى وصلت لدرجة اهانة المصحف الشريف

معجزتنا الخالدة

وصلت للدرجة دى

مرة يسبوا نبينا عليه الصلاة والسلام

ومرة تانية يهينوا المصحف

المصحف الشريف كتاب الله المعجز والموضوع يعدى كدة باعتذار كلب امريكا لعميل عراقى

هو ده مقامه عندنا

هى دى قيمة ديننا عندنا

والله لو هو كدة يبقى احنا ما نستاهلش نعيش علي الارض تانى

المصحف الشريف اللى العلم لسة واقف قدام اياته عاجز عن انه يجاريه

المصحف اللى العلم لسة بيكتشف حاجات وحقائق هو اشار اليها من 1400 سنة

واخرتها ان واحد الحمار احسن منه زى ما الاية 55 من سورة الانفال ما بتقول يعتذر لنا عن كدة

وقبله واحد اقل منه يضرب عليه نار

عارفين الاية بتقول ايه

إن شرّ الدواب عند الله الذين كفروا فهم لا يؤمنون

يعنى بوش والله العظيم عن يقين عمره ما هايحصل مقام الحمار - الا لو اعلن اسلامه - شر الدواب

يطلع مين بوش علشان حد من جنوده يهين المصحف الشريف

ويطلع مين المالكى علشان بوش يعتذر له

اللهم يا من قلت فى كتابك العظيم الذى لا يأتيه الباطل من بين يديه ولا من خلفه

انا نحن نزلنا الذكر وانا له لحافظون

اللهم يا من قلت فى كتابك المعجز

انا كفيناك المستهزئين

اللهم انا نؤمن بكتابك ونرضى بقضائك ونعلم يقينا ان وعدك ات لا محالة

اللهم يا من لا رب لنا سواه ولا اله لنا غيره

اللهم يا حافظ يا منتقم هذا كتابك يُهان وهذا نبيك يُسب ولا ملجأ لنا الا انت

اللهم ارنا فيمن اهان كتابك وسب نبيك عجائب قدرتك واجعل من ذلك اية تهدى بها القلوب يا رب العالمين

مفيش رحمة

2008-05-17T08:34:00.000-07:00

مع ان الدين بتاعنا دين الرحمة

ومع ان رسولنا صلى الله عليه وسلم رسول الرحمة الا ان الناس كلها فى مصر وبرة مصر بتتعامل مع بعض بدون رحمة كله بيطحن فى كله كله بيستغل كله ابتداءاً من العربجية لغاية الدكاترة لو ركبت كارتة تلاقيها زادت تسال ليه يقولك هى جت عليا ما كل حاجة غلت لو ركبت مشروع تلاقى الاجرة زادت اضعاف زيادة السولار ويقولك الحكومة لو اشتريت حاجة البياع يحاول يسرقك لو انت مش صاحي له وابسط مثل لكدة اصحاب البنزينات اللى باعوا البنزين 80 على انه 90 و 92 و 95 الدكاترة حدث ولا حرج المشكلة الكبيرة الحكومة اللى خلت الشعب كله يبيع الحديدة اللى كان قاعد عليها تتطلع برة مصر تلاقى حماس وفتح - مسلمين وموحدين بالله - ونازلين قتل وخطف فى بعض لبنان المعارضة والموالاة ومشاكل كتير الواحد مش فاهم منها حاجة العراق تلاقى جماعات تقتل جماعات وسايبين العدو ينهب البلد كل البلاوى دى طالعة من المسلمين مع ان الدين بتاعنا اساساً دين الرحمة لو كلنا حاولنا نتعامل مع بعض بالرحمة ربنا هيرحمنا " ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم " صدق الله العظيم الرحمة لو مش موجودة معانا من اعداءنا فده يبقى شئ عادى لانهم مش من ديننا ومش عندهم التعاليم اللى تخليهم يتعاملوا بالرحمة مع حد المشكلة الكبيرة لو كانت من المسلمين ومع المسلمين من لا يرحم لا يٌرحم

احساس جميل

2008-05-12T10:41:00.000-07:00

احساس جميل جدا احساس ان الواحد يكون أب

حاجة جديدة جداً عليا وفرحان بيها جداً مع انى فى شغلى بخاف اتكلم فى الموضوع ده مراعاة لاحاسيس زمايلى اللى منهم متجوزين من فترة ولسة ربنا لم يرد لهم الانجاب

حاجة جميلة انك تكون قاعد جنب المولود تتفرج عليه وهو بيتمطع او بتمسك ايده الصغيرة جداً او تتفرج عليه وهو نايم زى الملايكة

شيء جميل جدا واحساس رائع

بس الموضوع ده بيخليك تفكر فى حاجات كتير جدا

اولها انك عاوز المولود يتربى كويس اخلاقياً

وتقعد تفكر كتير وتحس انك داخل بيه البحر وتبقى محتار اخلى المولود يطلع منحرف علشان يعرف يتعامل مع البشر ويعرف ياخد حقه كويس ( اكيد طبعاً مش هاسيبه يبقى كدة ) ولا اربيه على انه يكون مؤدب واخلاق وكل الناس تستكرده وتعتبره من الاكراد اللى هما بتوع العراق دول

تقعد تفكر فى حاجات تانية زى انك عليك مسئولية جامدة ( مش مادية لان الارزاق على الله ) ولكن مسئولية ادبية نحو تعليم المولود الجديد فى دولة الطلبة فيها بتجيب الدرجات النهائية ( هادور على مدرسين خصوصيين من دلوقت )

تقعد تفكر فى حاجات كتير من هذا القبيل

احساسات كتيرة جميلة كلها ماكنتش متصور انى خلال سنة هتختلف حياتى واهتماماتى بالشكل الكبير ده

بس على فكرة انا فعلاً مش شايل هم خالص لانى متوكل على الله فى الموضوع ده وعارف ومتأكد ان الله عند حسن ظنى به

ومن يتوكل على الله فهو حسبه

فان تولوا فقل حسبى الله لا اله الا هو عليه توكلت وهو رب العرش العظيم

مرحلة الجوع والفزع

2008-05-11T07:39:00.000-07:00

فوجئت تانى يوم لقرارات زيادة اسعار الوقود دخل علينا المكتب واحد محترم واحنا قاعدين فى امان الله وبصوت عالى كدة قعد يقول كلام من الكبير المجعلص اوى وكان اخر كلامه :

على فكرة احنا داخلين على مرحلة جوع وفزع

قوم ايه كلنا انتبهنا واشرئبت الاعناق واحنا مش فاهمين حاجة غير انا احنا كنا ساعتها جعانين وبصينا الى صاحب الصوت العالى وسألنا ليه ؟

كان رده ان الفقير داخل على مرحلة اشد فقراً والغنى لو عنده فلوس فى مصر هيحولها برة مصر علشان يحافظ عليها من القرارات المفاجئة والغير مأمونة العواقب بالنسبة له

ومن يومين اخويا بعد ما اخد اعفاء من الجيش وبدون ادنى تفكير وبتلقائية جه سألنى ما تعرفش حد يسفرنى الامارات قولت له هاسألك

حد يعرف حد يسفرنى انا واخويا الامارات ومستعدين نشتغل اى حاجة حتى ولو سواقين

( على فكرة انا محاسب واخويا محامى )

العيش والعيشة واللى عايشينها

2008-05-06T09:10:00.000-07:00

النهاردة وانا بتابع احوال الرعية لقيت انهم بيشتكوا من الارهاق الشديد نظرا لان الشعب له من الخصائص ما يجعله يطبق مقولة اللى يجى تحت ضرسى

ولان احوال شعبى والحمد لله جيدة جدا مقارنة بالشعوب الاخرى اللى غلوا فيها الغاز والجاز ومفيش فيها عيش والعملية عندهم متأزمة اوى

لذا فقد وجب علينا انا وشعبى العظيم المجاهد قول

الحمد لله الذى لا يحمد على مكروه سواه